राङापारा गुदि बर' थुनलाइ आफादा 1973 मायथाइनि 21 जानुवारि खालार खालि नामुनि गाव, उपर कसारि गाव आरो उरहिलगा मोनथाम गामिजों नामुनि गाव गामियाव जोनोम मोनो। राङापारा गुदि बर' थुनलाइ आफादनि गिबि आफादगिरिया खर्गेस्वर बर' आरो नेहाथारि निर्मल बसुमतारि। जोनोम मोननानै बें गोलाव सम लामा हान्थि बोनानै देग्लाई 16 नबेम्बर बर' थुनलाइ आफादनि जोनोम सान खुनायजों लोगोसे 50थि बोसोरारि जथुम्मा आरो स' नाथि मायथाइ फोरबो खुनायखौ गाहायाव होनाय खुनायनि मुं अक्ट आरो जायगानि थि होनानै बोसोनगिरि गेदेमामोन, बिबानगिरि मेलेमजिबि आरो सिबिजाथाव राइजो राजाफोरनि हेफाजाब, बोसोन सुबुरुन जों गाजा गोमजायै मेहेर गोनाडै खुंफुंनो लाबाय। जेरै- इं 24-12-2023 खालार खालि 1नं जुगिबिल गुदि फरायसालि गेवलां गेलेग्रा फोथाराव स' नाथि मायथाइ फोरबो बेखेवजेननाय । इं 17-01-2024 खालार खालि उरहिलगा गेजेर आरो गोजौ फरायसालिनि गेवलां गेलेग्रा फोथाराव थुनलाइयारि दिन्थिपुंनाय । इं 21-0102024 खालार खालि माइनावत्रिं गुदि फरायसालिनि गेवलां गेलेग्रा फोथाराव हारिमु दिन्थिपुंनाय आरो इं 28-01 2024 खालार खालि 1नं जुगिबिल गुदि फरायसालिनि गेवलां गेलेग्रा फोथाराव गेवलां मेल आरो हारिसु बिलिफां ।

राङापारा थावननिफ्राय साहा फारसे 8 कि.मि. सो फैनानै फैलाव माय ग्रायग्रा फोथार, गय-खानथाल, फिथाइ सामथाइ, बिफां लाइफांजों समायना रमायना हाजो सेरफांनि सेर-सेर हायेन ओनसोलाव गुबुन गुबुन गामिनि मुंजों गं 50 निबो बांसिन गामि फसंनानै हालो दैलो रायजो जानाय बेनो राङापारा गुदि बर थुनलाइ आफाद । हाला दला रायजा जानाय बना राडापारा गुाद बर थुनलाइ आफादा

राङापारा गुदि बर थुनलाइ आफादनि बोसोनगिरि, बिबानगिरि, फोरोंगिरि सारमोन, मेलेमजिबि गेदेमामोन, बानजाय आफादनि बिबानगिरि, बर' माहारियारि आफादफोरनि बिबानगिरि आरो सिबिनां राइजो राजाफोरखौ गोसो गोथारै बरायनानै साबायखर बाउग्रोबाय आरोबाव गागि आरो जाखांफुनाय लिरगिरिफोरनिसिमबो बेसेन गोनांडै लिरबिदां दैथाइ हरनायनि थाखाय साबायखर बाउग्रोनाय जाबाय राङापारा गुदि बर' थुनलाइ आफादनि जानानै ।

बे गोलाव सम लामा हानथि बोनायाव राङापारा गुदि बर' थुनलाइ आफादा थुनलाइ सोरजिनाय, फेहेरनाय फोजौनाय, राइजो- राजाफोरनो थुनलाइ, सिबिनो दिन्थिनाय, हारिमु फोथांना लाखिनाय, फोरोंनाय फेहेरनाय, फोजौनाय, बर'- रावखौ फोथांना लाखिनायाव बर' बिजोंनि फरायसालिफोरखौ जोथोन लानाय, बर' राव रायज्लायै गामिफोराव बर' रावखौ रायज्लाइनो बाहायनो बिथोन होनाय, समाज फोसाबनाय, बेफार फालांगि खालामनाय आरो आबादारिफोरखौ थुलुंगा होनाय लोगोसेनो माहारियारि आफादफोर-बर' फरायसा आफाद, आइजो अनसाय आफाद, दोरोम आफाद, फोरोंगिरि आफाद, आबादारि आफादफोरखौ हेफाजाब थुलुंगा सुबुरुन होबोबाय थानाय जादों ।

सनाथि मायथाइ फोरबो खुनायनि गेजेरजोंनो राडापारा हालामनि बर सुबुं माहारिनि राइजो जानायनि थैस थांसनि इयुन जोलैनि साननाय-हनाय, मावनाय-दांनाय, गाननाय जोमनाय, दोरोम सिबिनाय, आखल-आखु, आसार-खान्थि, थानाय-जानाय, राव- रायज्लायनाय, बर' माहारिखौ मोजां मोननाय माहारिबाद, बर' रावखौ रायज्लायनो मोजां मोननाय, गथ गथाइफोरखौ बर' बिजोंआव मुं थिसननाय, गाव गावंनि गेजेराव आंगोथि साननाय हेफाजाब होलायनाय, उन्दैफोरखौ अननाय, गिदिरफोरखौ मान होनाय, सानस्रि आदर्श, थुनलाई आफादनि मेल मिथिंडाव बाहागो लानाय, थुनलाइ सिबिनाय आरो मिथिंगानि महर मस्रि बेनि सोरगिदिं थानाय थासारि-आबहावा, बोथोर, हाजो-हाला; बिफां-लाइफां, दैमा पैसा, दावसिन-दावला, जिब-जुनाद, मिथिंगानि सावगारिफोरा राडापारा गुदि बर्' थुनलाइ आफादनि थुनलाइआव रोखा रोखायै (बेरखांदों) जायगा मोनो।

इ-लाइसि, इ-जारिमिन, इ-एलबाम, आरो इ-बुक्स सुजुगिरिनो आरो सुजुगिरि आफादनिसिम बरायनानै साबायखर बाउबाय ।

मिजिंथिबाय इ-लाइसि, इ-जारिमिन, इ-एलबाम आरो इ-बुक्सनि सोरजिलाइ बे लाइसिया राडापारा हालामनि आरो बेनि खाथि खाला थानाय गोबां जारिमिनारि खोथाफोरखौबो सोरांडाव लाबोनानै बर' थुनलाइनि बाखिआव गोजोर बिहोमा होफैनो हागोन ।

राव, थुनलाइ हारिमुखौ फोथांनानै लाखिनाया जों बयनिबो बिबान । बे बिबानखौ नोजोराव दोननानै साफ्रोमबो खामानि मावनांगोन । फै जों बयबो राव हारिमु थुनलाइखौ बुहुमाव सिनायथि होनि । नो

जोबथानायाव फिन खेबसबाव सिबिनाय आरो बरायनानै साबायखर बाउहरनाय जाबाय साफ्रोम थुनलाइ सिबियारि फोरनिसिम । एसेनोसै । गोजोनथों।